அயலி எபிசோட் அப்டேட்: கபிலனை அதிரடியாக கைது செய்த ஏடி... சிவா போட்ட மாஸ்டர் பிளான்! அடுத்தடுத்து அரங்கேறும் பரபரப்பு திருப்பங்கள்!

Zee தமிழ் தொலைக்காட்சியில் திங்கள் முதல் சனி வரை இரவு 8:30 மணிக்கு ஒளிபரப்பாகி வரும் ‘அயலி’ சீரியலில், இப்போது அடுத்தடுத்து பல அதிரடியான திருப்பங்கள் அரங்கேறி வருகின்றன.

கபிலனை கைது செய்ய களமிறங்கிய ஏடி – கடுப்பான இந்திராணி!

கபிலனை கைது செய்வதற்காக வேறொரு போலீஸ் டீம் வந்து அவரை அழைத்துச் செல்ல முயற்சி செய்கிறது. அந்த நேரத்தில் திடீரென அங்கு வரும் ஏடி, "நில்லுங்க! இது என்னோட கேஸ். நான்தான் கபிலனை அரெஸ்ட் பண்ணுவேன்" என்று சொல்லி அவர்களைத் தடுத்து நிறுத்துகிறார்.

இதனால் கடுப்பாகும் இந்திராணி, "நீ என்ன திட்டம் போட்டு இதையெல்லாம் பண்றேன்னு எனக்கு நல்லாவே தெரியும். இது எதுவுமே சரியில்லை. இப்படி பண்ணாத" என்று ஏடியை எச்சரிக்கிறார். ஆனால், இந்திராணியின் பேச்சுக்கெல்லாம் கொஞ்சமும் செவி சாய்க்காத ஏடி, "எதுவா இருந்தாலும் கோர்ட்ல பார்த்துக்கலாம். கபிலனை நான்தான் கூட்டிட்டுப் போவேன்" என்று கறாராகச் சொல்லி அவரை அழைத்துச் செல்கிறார்.

சிவா போட்ட திட்டம் சக்சஸ் – கபிலனிடம் உண்மையை விசாரிக்கும் ஏடி!

கபிலனை ஏடி கைது செய்து அழைத்துச் சென்ற தகவல் சிவாவுக்குக் கிடைக்கிறது. அப்போது, "சார், நாம போட்ட பிளான் சக்சஸ் ஆயிடுச்சு. கபிலனை ஏடி அரெஸ்ட் பண்ணிட்டாங்க" என்று ஒருவர் வந்து சொல்கிறார்.

அந்த நேரத்தில் அங்கு வரும் அயலி, "என்னோட தங்கச்சியோட புருஷனைக் காப்பாத்தணும்னு நினைச்சுத்தானே நீங்க இப்படியெல்லாம் பண்ணீங்க?" என்று சிவாவிடம் கேட்கிறார்.

அதற்கு சிவா, "கபிலனை என்கவுண்டர் பண்ணிட்டா, வர்மாவைப் பத்தின எந்த உண்மையும் நமக்குத் தெரியாமலேயே போயிடும். அதனாலதான் இந்த மாதிரி ஒரு பிளான் போட வேண்டியதா இருந்துச்சு" என்று விளக்கம் கொடுக்கிறார்.

இதைக் கேட்ட அயலி, "சரி, இப்போ அவன்கிட்ட இருந்து எப்படி உண்மையை வெளியே கொண்டு வர்றீங்கன்னு நானும் பார்க்கிறேன்" என்று சவால் விடுகிறார். இதற்கிடையில், விஜயகுமார் கபிலனிடம் தனது விசாரணையைத் தொடங்குகிறார்.

வழக்கறிஞரைத் தேடும் இந்திராணி – எதுவும் தெரியாதது போல நடிக்கும் அயலி!

மறுபக்கம், கபிலனை எப்படியாவது வெளியே கொண்டு வர வேண்டும் என்று இந்திராணி, உதயபெருமாள் உள்ளிட்ட குடும்பத்தினர் வழக்கறிஞரைத் தொடர்பு கொண்டு பேசுகிறார்கள்.

ஆனால், "வெள்ளி, சனி, ஞாயிறு என தொடர்ந்து விடுமுறை நாட்கள் வருவதால், உடனடியாக அவசர வழக்காக எடுத்துக்கொண்டு ஜாமீன் வாங்குவது ரொம்பக் கஷ்டம்" என்று வழக்கறிஞர் கைவிரித்துவிடுகிறார். இதனால் இந்திராணி என்ன செய்வதென்று தெரியாமல் அதிர்ச்சியிலும் கவலையிலும் இருக்கிறார்.

அந்த சமயத்தில், தனக்கு உடம்பு சரியில்லாதது போலவும், எதுவுமே தெரியாதது போலவும் அறையிலிருந்து வெளியே வருகிறார் அயலி. "என்ன ஆச்சு? இப்போ எனக்கு வலி கொஞ்சம் குறைஞ்சிருக்கு" என்று சொல்கிறார்.

அதற்கு குடும்பத்தினர், "கபிலனை போலீஸ் அரெஸ்ட் பண்ணிட்டு போயிட்டாங்க" என்று சொல்கிறார்கள். இதைக் கேட்டதும் அதிர்ச்சியடைந்தது போல நடிக்கும் அயலி, "என்னது, கபிலனை அரெஸ்ட் பண்ணிட்டாங்களா? என்ன ஆச்சு?" என்று கேட்கிறார்.

இதனால் மேலும் கோபமடையும் இந்திராணி, "இதுக்கெல்லாம் அந்த ஏடிதான் காரணம். அவளை நான் சும்மா விடமாட்டேன்" என்று ஆவேசமாகச் சபதம் எடுக்கிறார்.

இந்திராணியின் கோபத்தையும் பேச்சையும் கவனிக்கும் அயலி, மனதுக்குள் ஏதோ யோசிக்கிறார். இப்படியான நிலையில் அடுத்ததாக நடக்க போவது என்ன என்பது குறித்து அறிய அயலி சீரியலை உங்கள் Zee தமிழ் தொலைக்காட்சியில் காணத்தவறாதீர்கள்.