முதலிரவில் நடந்த பயங்கரம்!! கணவரால் கழிவறையில் கதறி அழுத நடிகை கரீஷ்மா கபூர்

கரீஷ்மா கபூர்

90களில் டாப் நடிகையாகவும் அதிக சம்பளம் வாங்கும் நடிகைகளில் ஒருவராக திகழ்ந்து வந்தவர் தான் நடிகை கரீஷ்மா கபூர். தேசிய விருது மற்றும் 4 ஃபிலிம்பேர் விருதுகள் உள்பட பல விருதுகளை தன்னுடைய சிறப்பான நடிப்பால் பெற்றவர். கபூர் குடும்பத்தில் பிறந்த கரீஷ்மா கபூர், தன் வாழ்க்கையில் படாத கஷ்டங்களை பட்டு, வாழ்க்கையையே வெறுத்து தற்போது தனது இரு குழந்தைகளுக்காகவே வாழ்ந்து வருகிறார். அவரின் கண்ணீர் கதை எப்படி இருந்தது என்பதை பார்ப்போம்..

பெற்றோர் வாழ்க்கை

பாலிவுட் சினிமாவில் உச்ச நடிகராக இருந்த ரந்தீர் கபூர், நடிகை பபிதாவுடன் நடித்தபோது இருவரும் காதலித்தனர்.

காதல் கைக்கூட வேண்டுமென்றால், சினிமாவைவிட்டு விலகவேண்டும் என ரந்தீர் கபூரின் குடும்பம் முட்டிக்கட்டை போட்டதால் பபிதா காதலுக்காக சினிமாவைவிட்டு விலகி, ரந்தீர் கபூரை திருமனம் செய்து மகிழ்ச்சியான வாழ்க்கையை வாழ்ந்து இரு குழந்தைகளை பெற்றெடுத்தார்.

அப்போது ரந்தீர் கபூருக்கு படங்கள் கைக்கொடுக்காததால் அவர் மதுவிற்கு அடிமையாகி தொடர்ந்து குடித்துக்கொண்டே இருந்ததால், பபிதா தனது இரு மகள்களையும் அழைத்துக்கொண்டு கணவரை விட்டு பிரிந்து படாதாபாடுபட்டு கரீஷ்மா, கரீனாவை வளர்த்தார்.

வறுமை - காதல் தோல்விகள்

இதனையடுத்து, 15 வயதில் வீட்டு வறுமை காரணமாக இந்தி படத்தில் நடிக்க ஆரம்பித்தார் கரீஷ்மா கபூர். பிரேம் கைதி படத்தில் நடித்து வெற்றியை கண்ட கரீஷ்மா, ஜிகர், அனாரி, ராஜா பாபு, அந்தாஸ் அப்னா அப்னா, கூலி நம்பர் 1, சாஜன் சலே சசுரல், ஜீத், ராஜா இந்துஸ்தானி போன்ற ஹிட் படங்களில் நடித்து உச்ச நடிகையாக மாறினார். 1996ல் மட்டும் 10 படங்கள் கரீஷ்மா நடிப்பில் வெளியானது.

இதனையடுத்து நடிகர் கோவிந்தாவுடன் பல படங்களில் நடித்தபோது அவருடன் காதல் ஏற்பட, ஏற்கனவே திருமணம் செய்து கொண்டதால் கோவிந்தாவை, முதல் மனைவியை விவாகரத்து செய்து வந்தால், திருமணம் செய்து வைக்கிறேன் என்று கரீஷ்மாவின் தாயார் பபிதா கூறிவிட்டார். ஆனால் கோவிந்தா முதல் மனைவியை விவாகரத்து செய்யமுடியாது என்று கூறியதால் கரீஷமாவும் கோவிந்தாவும் பிரிந்தனர்.

காதல் தோல்வியால் துவண்டுபோன கரீஷ்மா, அதிலிருந்து மீண்டு பல வெற்றி படங்களில் நடித்து வந்தார்.

அந்நேரத்தில் அமிதாப் பச்சனின் மகளின் திருமண வரவேற்பு நிகழ்ச்சி மும்பையில் மிகவும் சிறப்பாக நடந்தது. அந்நிகழ்ச்சியில் கலந்து கொண்ட கரீஷ்மாவுக்கு அபிஷேக் பச்சனுடன் நட்பு ஏற்பட, அது காதலாக மாறியது.

அந்த காதல் விவகாரம் அமிதாப் பச்சனுக்கு தெரியவர, மகனின் காதலுக்கு பச்சைக்கொடி காட்டினார். பின் அபிஷேக் பச்சனுக்கும் கரீஷ்மா கபூருக்கும் தடபுடலாக நிச்சயதார்த்தம் நடந்தது.

அப்போது அமிதாப் பச்சன் ஏபிசிஎல் என்ற தயாரிப்பு நிறுவனம் தொடங்கி பெரியளவில் நஷ்டம் ஏற்பட்டு கடனாளியானார்.

பெரிய கடன் சுமையில் அமிதாப் இருந்ததால் அக்கடன் அவரின் மகன் அபிஷேக் தலையில்தான் விழும் என்று பயந்து கரீஷ்மாவின் அம்மா பபிதா, அபிஷேக் மீது சொத்தை எழுதி வைத்தால் கரீஷ்மாவை திருமணம் செய்து வைக்கிறேன் என்று கண்டீஷன் போட்டுள்ளார்.

இதனால் கடுப்பான அமிதாப் பச்சன் திருமணத்தை நிறுத்திவிட்டார். கரீஷ்மா, அம்மாவிடம் கெஞ்சியும் திருமணத்திற்கு சம்மதிக்காததால் நிச்சயத்தோடு திருமணம் நின்றுபோனது.

2வது மனைவி - முதலிரவு

இதன்பின் தான் பெரிய தொழிலதிபரான சஞ்சய் கபூருக்கு 2வது மனைவியானார். ஆசைப்பட்ட வாழ்க்கை கிடைக்காமல் போனாலும் தன் குடும்பத்திற்காக அவரை மணந்தார். ஆனால், ஆசைஆசையாக திருமணம் நடந்து வாழ்க்கையை தொடங்கிய கரீஷ்மா கபூரின் கனவு முதல் இரவு அன்றே முடிந்துவிட்டது.

முதலிரவு அறைக்கு கரீஷ்மா சென்றபோது சஞ்சய் கபூர் தன் நண்பர்கள் 10 பேருடன் அமர்ந்து சினிமா நடிகையை திருமணம் செய்துள்ளேன், அவள் நன்றாக நடனமாடுவாள் என்று சொல்லி அனைவரது முன்பும் ஆட சொல்லியிருக்கிறார் சஞ்சய். அதோடு இல்லாமல், தகாத வார்த்தையை கூறியிருக்கிறார். இதனால் மனமுடைந்துபோன கரீஷ்மா அன்றிரவு முழுக்க கழிவறையில் கதறிகதறி அழுததாக பேட்டியொன்றில் கூறியிருக்கிறார்.

இந்த வாழ்க்கை வேண்டாம் என்று அதிலிருந்து விடுபட முயன்றபோது கணவரின் பண பலத்தால் அது முடியாமல் போனது. வாழ்க்கையில் தன்னை ஏமாற்றியவர்கள் முன் நான் கண்ணீரோடு நிற்க விரும்பவில்லை என்பதால் கணவரின் கொடுமையை தாங்கமுடியாததால் இரு குழந்தைகளுடன் வீட்டைவிட்டு வெளியேறி 2016ல் விவாகரத்து பெற்றார். அண்மையில் சஞ்சய் கபூர் இறந்தப்பின் தான் இந்த விஷயத்தை கரீஷ்மா கபூர் கண்ணீருடன் தெரிவித்துள்ளார்.