ஹர்திக் பாண்டியாவின் தலைக்கனம்!! துருவ் ஜூரலுக்கு சப்போர்ட் செய்யும் நெட்டிசன்கள்..

இந்திய அணி தோல்வி

இந்திய கிரிக்கெட் அணியினர் இங்கிலாந்து எதிரான 5 டி20 போட்டித்தொடரில் தற்போது விளையாடி வருகிறது. முதல் இரு போட்டிகளில் இந்திய அணி வெற்றிப் பெற்றிருந்த நிலையில், ராஜ்கோட் மைதானத்தில் நேற்று நடந்த 3வது டி20 போட்டியில் இந்திய அணி தோல்வி அடைந்தது.

இப்போட்டியில், இங்கிலாந்து அணியினரின் 172 ரன்கள் இலக்கை நோக்கி இந்திய அணி ஆட ஆரம்பித்தனர். ஆரம்பத்தில் சஞ்சு சாம்சன், அபிஷேக் சர்மா, சூர்ய குமார் யாதவ், திலக் வர்மா என அடுத்தடுத்த பேட்ஸ்மேன்கள் அவுட்டாகி வெளியேறினர்.

இவர்களை அடுத்து ஆடிய ஹார்திக் பாண்டியா - வாஷிங்டன் இணைந்து ஆமை வேகத்தில் ஆடி பந்துகளை வீணடித்தனர். வாஷிங்டன் சுந்தரும் அவுட் ஆக, அதன் பின் அக்சர் படேல் 15 ரன்களோடு நடையை கட்டினார். முழு நேர பேட்ஸ்மேனாக இப்போட்டியில் சேர்க்கப்பட்ட துருவ் ஜூரல் 8வது வரிசையில் தான் களமிறங்கினார்.

ஹர்திக் பாண்டியா

அப்போது இந்திய அணிக்கு 16 பந்துகளில் 49 ரன்கள் தேவை. அதுவரை ஹர்திக் பாண்டியா மிக நிதானமாக ஆட, அப்போது அவரது ஸ்ட்ரைக் ரேட் 100ஐ கூட எட்டவில்லை. ஒரு சிக்ஸ் அடித்த ஹர்திக் பாண்டியா, அடுத்த ஓவரின் முடிவில் துருவ் ஜூரலுக்கு ஒரு ரன் ஓடும் வாய்ப்பை கொடுக்கவில்லை.

ஓடியிருந்தால் ஜூரல் அடுத்த ஓவரில் ஒரு பந்தில் இருந்து பேட்டிங் செய்யக்கூடிய நிலை ஏற்பட்டு இருக்கும். ஆனால் ஹர்திக் பாண்டியா ஸ்ட்ரைக் கொடுக்காமல் இருந்தார். கடைசி 2 ஓவர்களில் 41 ரன்கள் தேவை என்று இருந்த நிலையில் ஹர்திக் பாண்டியா தலைக்கனத்தில் இப்படியொரு விஷயம் செய்திருக்கிறார்.

அதன்பின் ஹர்திக் பாண்டியா சிக்ஸ் அடிக்க முயன்று அவுட்டாகிவிட்டார். 35 பந்துகள் ஆடி 40 ரன்கள் மட்டுமே எடுத்த ஹர்திக் பாண்டியாவை பலரும் விமர்சித்து வருகிறார்கள்.