31 வயதுதான் ஆகுது...மறுமணம் செய்ய சொன்ன மாமனார்.. நோ சொன்ன முகுந்த் மனைவி இந்து..

அமரன்

தமிழ் சினிமாவில் முன்னணி நடிகராக வலம் வரும் சிவகார்த்திகேயன் நடிப்பில் உண்மை கதையை வைத்து எடுக்கப்பட்டு பெரும் எதிர்பார்ப்புடன் வெளிவந்த திரைப்படம் அமரன்.

கடந்த அக்டோபர் 31ஆம் தேதி உலகளவில் வெளியாகியுள்ளது அமரன் படம். இப்படத்தை பிரபல இயக்குனர் ராஜ்குமார் பெரியசாமி இயக்கத்தில் உலகநாயன் கமல் ஹாசன் தனது ராஜ்கமல் நிறுவனத்தின் மூலம் தயாரித்துள்ளார்.

இப்படத்தில் முதல் முறையாக சிவகார்த்திகேயனுடன் இணைந்து நடிகை சாய் பல்லவி நடித்துள்ளார். ஜி.வி. பிரகாஷ் குமார் இப்படத்திற்கு இசையமைத்துள்ளார்.

படம் ரிலீஸான முதல் நாளில் 42.3 கோடி வசூல் செய்து சாதனைப்படைத்திருந்தது. இதனையடுத்து இரண்டாம் நாளில் 19.2 கோடி வசூலித்து உலகளவில் மொத்தம் 68 கோடி வசூலித்தும் தமிழ்நாட்டில் 31 கோடியும் வசூலித்திருக்கிறது.

தந்தை வரதராஜன்

இந்நிலையில், முகுந்த் வரதராஜனின் தந்தையும் இந்து ரெபெக்கா வர்கிஸின் மாமனாரான வரதராஜன் அளித்த பேட்டியொன்றில், தனது மகன் உயிரிழந்தபோது தனது மருமக்ளுக்கு 31 வயதுதான்.

அதனால் அவரிடமும் அவரது அப்பாவிடமும் இந்துவின் மறுமணம் பற்றி தான் பேசியதாகவும் தெரிவித்துள்ளார். ஆனால் தன்னிடம் வந்துபேசிய இந்து, தான் மறுமணம் செய்து கொள்வேன் என்று நினைத்தீர்களா அப்பா என்று கேட்டதாகவும் வரதராஜன் அந்த பேட்டியில் பகிர்ந்துள்ளார்.