அமிதாப் பச்சனிடம் காசில்லாமல் பணம் கேட்ட ரத்தன் டாடா.. இப்படியொரு சம்பவம் நடந்திருக்கா...

ரத்தன் டாடா

இந்திய தொழில்துறை வரலாற்றிலும் நீங்கா இடம் பிடித்து நம்மை விட்டு பிரிந்தவர்தான் ரத்தன் டாடா. அவரின் மறைவு ஒட்டுமொத்த இந்தியாவை தாண்டி உலகம் முழுவதும் பலருக்கும் அதிர்ச்சியை ஏற்படுத்தியது.

இதனையடுத்து ரத்தன் டாடா குறித்து பல விஷயங்கள் இணையத்தில் பகிரப்பட்டு வந்த நிலையில் ரத்தன் டாடா அமிதாப்பிடம் பண கேட்ட விஷயம் வெளியாகியுள்ளது. ஒரு நிகழ்ச்சியில் அமிதாப் பச்சன் அளித்த ஒரு பேட்டியை சோனி டிவி இன்ஸ்டாகிராம் பக்கத்தில் பகிர்ந்துள்ளது.

அமிதாப் பச்சன், ரத்தன் டாடா

அதில் அமிதாப் பச்சன், ரத்தன் டாடாவுடன் லண்டனுக்கு விமானத்தில் சென்றதாகவும் இருவரும் லண்டனின் ஹீத்ரோ விமான நிலையத்தில் இறங்கியப்பின் ரத்தன் டாடா தனது ஊழியர்களை கண்டுபிடிக்க முடியவில்லை என்று கூறினார்.

பின் விமான நிலையத்தில் இருந்த போன்பூத்தில் அவர்களை அழைக்க முயற்சி செய்தபோது அவரிடம் பணம் இல்லை. சிறிதுநேரம் கழித்து அவர் திரும்பி என்னிடம், அமிதாப், நான் உங்களிடமிருந்து சிறிது பணம் கடன் வாங்கலாமா? என்னிடம் போன் கால் செய்யப்பணம் இல்லை என்று என்னிடம் கேட்டதாக நிகழ்ச்சியொன்றில் கலந்து கொண்ட அமிதாப் பச்சன் கூறியுள்ளார்.

ரத்தன் டாடா-வின் இந்த வேண்டுகோள்-ஐ கண்டு வியந்தாகவும், உடனே தன்னிடம் இருந்த பணத்தை எடுத்து கொடுத்ததாகவும் கூறினார். மேலும் ரத்தன் டாடாவின் எளிய குணத்தை பாராட்டியும் இந்நிகழ்ச்சியில் பேசியுள்ளார் அமிதாப் பச்சன்.

அமிதாப் பச்சன் டிவிட்டரில் ஆக்டிவ் ஆக இருக்கும் நபர், இந்த சுவார்ஸ்ய தருணத்தை அவர் டிவிட்டர் பதிவு வாயிலாகவே தெரிவித்திருக்கலாம். ஆனால் ரத்தன் டாடாவின் எளிய குணத்தை பல கோடி மக்களுக்கு தானே கூற வேண்டும் என்பதற்காக ரத்தன் டாடா மறைவுக்கு பிறகு சரியான நேரம் பார்த்து Kaun Banega Crorepati நிகழ்ச்சியில் அமிதாப் பச்சன் வெளிப்படையாக கூறியிருக்கிறார்.