அந்த மனசு இருக்கே..கூமுட்டைன்னு திட்டிய சீமானுக்கு தவெக தலைவர் விஜய் பிறந்தநாள் வாழ்த்து..

தவெக தலைவர் விஜய்

நடிகர் விஜய் சினிமாவைவிட்டு விலகி முழு நேர அரசியலில் ஈடுபடவுள்ளார். அதற்கான முதல்படியை தமிழக வெற்றிக் கழகத்தின் முதல் மாநாட்டினை கடந்த அக்டோபர் 27 ஆம் தேதி பிரம்மாண்ட முறையில் நடத்தி முடித்தார்.

இதற்கான விமர்சனங்கள் எழுந்து வந்த நிலையில் விஜய் அரசியல் கட்சியை ஆரம்பித்தது முதல் மாநாடு வரையிலான அவரது ட்ரெஸ் கோட் ஒரே மாதிரி இருப்பதை அறிந்த சிலர் விஜய்யின் வியூகம் என்ன என்பதை ஆராயத்துவங்கியுள்ளனர்.

சில நாட்களாக விஜய்யின் மாநாட்டு பேச்சும் செயலையும் நாம் தமிழர் கட்சி தலைவர் சீமான் கடுமையாக விமர்சித்து பேசினார். ஒருபடி மேல் கூமுட்டை என்ற வார்த்தையும் சீமான் பயன்படுத்தி இருந்தார்.

சீமான் பிறந்தநாள்

இதனையடுத்து நம்மை விமர்சிப்பவர்கள் யாரையும் தரம் தாழ்ந்து விமர்சிக்க வேண்டாம் என்று விஜய் கூறியதாகவும் கூறப்பட்டது.

இந்நிலையில் இன்று நாம் தமிழர் கட்சியின் தலைமை ஒருங்கிணைப்பாளர் சீமான் அவர்களின் பிறந்தநாள் என்பதால் தவெக தலைவர் விஜய் வாழ்த்துக்கள் கூறியிருக்கிறார். இதற்கு விஜய் ரசிகர்கள் இந்த மனசு தான் சார் கடவுள் என்று கருத்துக்களை கூறி பாராட்டியும் வருகிறார்கள்.

நாம் தமிழர் கட்சியின் தலைமை ஒருங்கிணைப்பாளர் சகோதரர் திரு.சீமான் அவர்களுக்கு இனிய பிறந்தநாள் நல்வாழ்த்துகளைத் தெரிவித்துக்கொள்கிறேன்.

— TVK Vijay (@tvkvijayhq) November 8, 2024