கல்லீரல் பாதிப்பால் அவதிப்பட்டு வந்த நடிகர் அபிநய் மரணம்.. சோகத்தில் திரையுலகம்!

அபிநய்

துள்ளுவதோ இளமை படத்தின் மூலம் பிரபலமானவர் நடிகர் அபிநய். இவர் தமிழ் மற்றும் மலையாளம் ஆகிய மொழிகளில் நடித்து வந்தார். கடைசியாக சந்தானம் நடித்திருந்த வல்லவனுக்கு புல்லும் ஆயுதம் படத்தில் நடித்திருந்தார்.

இதன்பின் சினிமா பக்கமே தலைகாட்டாமல் இருந்து வரும் நடிகர் அபிநய், உடல்நல குறைவால் பாதிக்கப்பட்டுள்ளார் என்கிற செய்தி கடந்த சில மாதங்களுக்கு முன் வெளிவந்தது. இது ரசிகர்களுக்கு பெரும் அதிர்ச்சியை தந்தது.

கல்லீரல் பாதிப்பால் அவதிப்பட்டு வந்த நடிகர் அபிநய்க்கு உதவும் வகையில் KPY நடிகர் பாலா ரூ. 1 லட்சம் பணம் கொடுத்திருந்தார். அந்த வீடியோ கூட இணையத்தில் வெளிவந்து வைரலானது.

மரணம்! 

இந்நிலையில், இன்று காலை 4 மணியளவில் அபிநய் மரணம் அடைந்துள்ளார். தற்போது இந்த செய்தி ரசிகர்கள், சினிமா நட்சத்திரங்கள் என அனைவருக்கும் அதிர்ச்சி கொடுத்துள்ளது.