கங்குவா படம் : தேறுமா? தேறாதா? பயில்வான் கொடுத்த விமர்சனம்..

கங்குவா

ஞானவேல் ராஜா தயாரிப்பில் இயக்குநர் சிறுத்தை சிவா இயக்கத்தில், சூர்யா, பாபி தியோல், திஷா பதானி உள்ளிட்ட முன்னணி நட்சத்திரங்கள் நடிப்பில் கங்குவா படம் உருவாகி இன்று நவம்பர் 14 ஆம் தேதி உலகம் முழுவதும் பல மொழிகளில் ரிலீஸாகியுள்ளது. படத்தை பற்றிய விமர்சனங்கள் பலர் கொடுத்து வந்தாலும் தற்போது கங்குவா படத்தை பார்த்த பயில்வான் ரங்கநாதன் தன்னுடைய கருத்துக்களை பகிர்ந்துள்ளார்.

பயில்வான் ரங்கநாதன்

கங்குவா படத்தில், அந்த காலத்தில் இருந்து கலியுகம் வரை சூர்யாவும் பாபி தியோலும் சண்டைப்போட்டுக்கொண்டே இருக்கிறார்கள். கார்த்தி ஸ்பெஷல் கேமியோ கொடுத்து கலக்கியுள்ளார். சூர்யாவின் உழைப்பும் சிறுத்தை சிவாவின் மெனக்கெடலும் கங்குவா படத்தில் நன்றாகவே தெரிகிறது.

இப்படியொரு பிரம்மாண்ட படத்தில் நாமும் நடித்துவிடலாம் என்ற ஆசை சூர்யாவுக்கு வந்தநிலையில்தான் அதிக பொருட்செலவில் கங்குவா உருவாக்கியுள்ளனர். படம் பார்க்க நல்லாவே இருப்பதாக பயில்வான் தெரிவித்துள்ளார்.

மேலும் தீவு ஒன்றில் வசித்து வரும் சூர்யாவின் கூட்டத்திற்கும் பாபி தியோலின் கூட்டத்துக்கும் இடையில் மாவீரன் யார் என்பதில் போட்டி. அதற்காக இருவரும் அந்த காலத்தில் இருந்து இந்த காலம் வரையில் சண்டை போட்டு வருகிறார்கள். சூர்யா பாபி தியோலை அடித்து வீழ்த்தினாரா? இல்லையா? என்பது தான் கதை.

திஷா பதானியின் கவர்ச்சி

சூர்யா, பாபி தியோலை தாண்டி திஷா பதானியின் கவர்ச்சிதான் அதிகம் ஈர்த்தது. குறைவான நேரம் வந்ஹாலும் திஷா பதானி ஒட்டுமொத்த கவனத்தை தன் பக்கம் ஈர்த்துவிடுகிறார். யோகி பாபு, ரெடின் கிங்ஸ்லி காமெடி கைக்கொடுத்திருக்கிறது.

கார்த்தி கடைசியில் சர்ப்ரைஸ் கொடுத்துள்ளார். போட்ட காசை எடுப்பார்களா? என்ற கேள்வியையும் பயில்வான் முன்வைத்துள்ளார். படத்தை பார்த்துதான் பயில்வான் விமர்சனம் செய்கிறாரா? என்றும் படம் ரிலீஸ் ஆகி சில மணிநேரத்தில் வீடியோ எடுத்து போட்டுள்ளதையும் ரசிகர்கள் கிண்டல் செய்து வருகிறார்கள்.