நான் இளையராஜா வீட்டு மருமகளா போக வேண்டியவ!! இசைஞானிக்கு பதிலடி கொடுத்த வனிதா..
வனிதா
நடிகை வனிதா, ராபர்ட் மாஸ்டர் இணைந்து நடித்து சமீபத்தில் வெளியான படம் தான் மிஸஸ் அண்ட் மிஸ்டர். வனிதாவின் மகள் ஜோவிகா தயாரித்துள்ள இப்படத்தின், ஷகீலா, கிரண் ரத்தோட் உள்ளிட்ட பல நட்சத்திரங்கள் நடித்துள்ளனர்.
இப்படத்தில் ராத்திரி சிவராத்திரி என்ற இளையராஜா பாடல் பயன்படுத்தப்பட்டுள்ளது. இதுதொடர்பாக ராயல்டி வாங்கவில்லை என்றும் அந்த பாடலை உடனே ஈக்க வேண்டும் என்று கூறி இளையராஜா படக்குழு மீது வழக்கு தொடர்ந்திருந்தார்.
இளையராஜா வீட்டு மருமகள்
இந்நிலையில் வனிதா விஜயகுமார் அளித்த பேட்டியில் மக்கள் தன் படத்தை வந்து பார்க்க வேண்டும் என்று கண்ணீருடன் பேசியிருந்தார். மேலும் இளையராஜா வழக்கு தொடர்ந்துள்ளது பற்றி அவருக்கு காட்டமான பதிலடி கொடுத்துள்ளார் வனிதா.
அதில், இளையராஜாவிடம் இந்த பாடலை பயன்படுத்த தனிப்பட்ட முறையில் பேசினேன், என் மகளுடன் சென்று அவர் காலில் விழுந்தேன். ஓகே என்று தான் இளையராஜா சொன்னார்.
அதன்பின் சோனி நிறுவனத்திடம் அனுமதி வாங்கினேன். நான் நேரில் சென்று கேட்கும் போதே திட்டி இருக்கலாமே, இப்போ வந்து வழக்கு மட்டும் போடுகிறீர்களே என்று வனிதா காட்டமாக பேசியுள்ளார்.
இளையராஜா குடும்பத்துடன் இருக்கும் பிணைப்பு பற்றியும் சின்ன வயதில் நான் அவரது வீட்டில் வளர்ந்திருக்கிறேன், அவர் வீட்டுக்கு நான் மருமகளாக போக வேண்டியவர் என்றும் வனிதா பேசியுள்ளார்.
