வெடித்த பாடி ஷேமிங் விவகாரம்... கெளரி கிஷனிடம் மன்னிப்பு கேட்ட யூடியூபர்!

கௌரி கிஷன்

தமிழ் சினிமாவில் வளர்ந்து வரும் இளம் நடிகைகளில் ஒருவராக இருப்பவர் கௌரி கிஷன். இவர் பிரபல தெலுங்கு நடிகை வீணா கிஷனின் மகள் ஆவார்.

மலையாளத்தில் வெளிவந்த மார்க்கம்களி என்ற படத்தின் மூலம் சினிமாவில் அறிமுகமானார் கௌரி கிஷன். இதையடுத்து விஜய் சேதுபதி நடிப்பில் வெளிவந்த 96 படத்தின் மூலம் தமிழ் ரசிகர்கள் மத்தியிலும் பிரபலமானார்.

கடைசியாக 'சுழல் 2' என்ற வெப் தொடரில் முத்து என்ற கதாபாத்திரத்தில் நடித்திருந்தார் கௌரி. தற்போது இவர் நடித்திருக்கும் Others என்ற படத்தின் நிகழ்ச்சியில் பேசும்போது யூடியூபர் ஒருவர் கேட்ட கேள்வியால் கடும் கோபமாகி வாக்குவாதம் ஆனது. 

அதாவது, ஹீரோவிடம் செய்தியாளர் 'ஹீரோயினை தூக்குனீங்களே அவங்க எடை எவ்வளவு' என கேள்வி கேட்டிருக்கிறார். இதை கேட்டு கடுப்பான கௌரி அந்த யூடியூபரை சரமாரியாக கேள்வி கேட்டார்.

மன்னிப்பு கேட்ட யூடியூபர்!

தற்போது இந்த பிரச்சனை பெரிதாகி, பிரபலங்கள் பலரும் கெளரிக்கு ஆதரவு தெரிவித்து வருகின்றனர். செய்தியாளர் சந்திப்பில் அவதூறான கேள்வி கேட்டதற்காக நடிகை கௌரி கிஷனிடம் யூடியூபர் கார்த்திக் மன்னிப்பு கோரியுள்ளார்.

கௌரி கிஷனை காயப்படுத்தும் நோக்கம் இல்லை என்றும், அவருக்கு மன உளைச்சல் ஏற்பட்டிருந்தால் அதற்காக வருத்தம் தெரிவிப்பதாகவும் கார்த்திக் தெரிவித்துள்ளார்.