சின்னஞ்சிறு கிளியே: சொத்து பிரச்சினையால் வெடிக்கும் சண்டை... ஆபத்தில் கர்ணா!

சின்னஞ்சிறு கிளியே

Zee தமிழ் தொலைக்காட்சியில் திங்கள் முதல் வெள்ளி வரை தினமும் இரவு 7 மணிக்கு ஒளிபரப்பாகி வரும் தொடர் ‘சின்னஞ்சிறு கிளியே’. இந்தத் தொடரில் சொத்து பிரச்சினையால் அடுத்தடுத்து பல திருப்பங்கள் நடந்து வருகின்றன.

கோபத்தில் கொந்தளிக்கும் கிருபா, திவாகர்!

கிருபா வருகைக்காக திவாகர் கோபத்துடன் காத்திருக்கிறான். கிருபா வந்ததும் சொத்துப்பத்திரம் பற்றிய விஷயத்தைச் சொல்கிறான். இதையடுத்து விஸ்வா அந்தப் பத்திரத்தை எடுத்துப் படிக்கிறான். அதில் இருக்கும் விஷயங்களைக் கேட்டு கிருபா அதிர்ச்சியடைகிறான். கோபத்தில், “அவன் வரட்டும், வெட்டி சாய்த்திடலாம்” என்று ஆவேசப்படுகிறான். திவாகரும் அவனுடைய கோபத்தை மேலும் அதிகமாக்குகிறான்.

“நம்ம ஆளான அவனுக்கு நிலத்தை எழுதி வச்சிருக்காங்களா?” என்று இருவரும் கோபப்படுகிறார்கள். கையில் அரிவாளை எடுத்துக்கொண்டு, “தீனா வரட்டும்... தீனாவையும் கர்ணாவையும் சும்மா விடக்கூடாது” என்று காத்திருக்கிறார்கள்.

கர்ணாவுக்கு ஆபத்து என்று எச்சரிக்கும் சாமியார்!

மறுபக்கம், ஏற்கெனவே எச்சரித்துவிட்டுச் சென்ற சாமியாரைத் தேடி இந்து அலைகிறாள். ஒருவழியாக அவரைப் பார்த்த இந்து, “சாமி, ஏன் அப்படிச் சொன்னீங்க?” என்று கேட்கிறாள். அதற்கு சாமியார், “உன் புருஷன் கர்ணாவுக்குப் பெரிய ஆபத்து காத்திருக்கு. நீ அவரைக் கவனமா பார்த்துக்கோ” என்று எச்சரிக்கிறார். இதைக் கேட்ட இந்து அதிர்ச்சியடைகிறாள். கர்ணாவுக்கு என்ன ஆபத்து வரப்போகிறதோ என்று பயந்துபோகிறாள்.

தீனாவிடம் உண்மையைக் கேட்டு மிரட்டும் கிருபா!

இதற்கிடையில், நண்பனின் வாகனத்தில் வீட்டுக்கு வருகிறான் தீனா. வீட்டுக்குள் நுழைந்ததும், கையில் அரிவாளுடன் கோபமாக நிற்கும் கிருபாவையும் திவாகரையும் பார்க்கிறான்.

“ஏன்டா, என்ன ஆச்சு? ரெண்டு பேரும் ஒரு மாதிரி இருக்கீங்க?” என்று தீனா கேட்கிறான். உடனே கிருபா, “உனக்கு மூணாவதா ஒரு பையன் இருக்கானா?” என்று கேட்கிறான். அதற்கு தீனா, “ஏன், அவனையும் போட்டுத் தள்ளப் போறீங்களா?” என்று கேட்கிறான்.

இதனால் கோபமடையும் கிருபா, “ஒழுங்கா உண்மையைச் சொல்லு! அந்தக் கர்ணாதான் உன்னோட மூணாவது பையனா? அவனுக்கு இந்த இடத்தை எழுதி வச்சிருக்கியா?” என்று அடுத்தடுத்து கேள்வி கேட்கிறான். என்ன பதில் சொல்வது என்று தெரியாமல் தீனா தடுமாறுகிறான். அவன் உண்மையைச் சொல்லாமல் மழுப்பிக்கொண்டிருக்கும்போது, கர்ணாவுக்கு ஆபத்து என்று சாமியார் சொன்னதைக் கேட்டு பயந்துபோன இந்துவும் அங்கே வந்து சேர்கிறாள்.

கர்ணாவைக் காப்பாற்றுவாளா இந்து?

கிருபாவும் திவாகரும் கோபத்துடன் இருக்க, தீனா அவர்களின் கேள்விகளுக்குப் பதில் சொல்ல முடியாமல் தவிக்கிறான். மறுபக்கம், கணவர் கர்ணாவுக்கு ஆபத்து என்று தெரிந்த இந்து பதற்றத்துடன் இருக்கிறாள். கர்ணாவுக்கு வந்திருக்கும் ஆபத்தை இந்துவால் தடுக்க முடியுமா? சொத்துப் பிரச்சினையால் அடுத்து என்ன நடக்கப்போகிறது? கர்ணா பற்றிய உண்மை வெளியே வருமா? இப்படிப் பல திருப்பங்களுடன் ‘சின்னஞ்சிறு கிளியே’ தொடர் விறுவிறுப்பாக சென்று கொண்டிருக்கிறது. இந்தத் தொடரைத் திங்கள் முதல் வெள்ளி வரை தினமும் இரவு 7 மணிக்கு Zee தமிழ் தொலைக்காட்சியில் காணுங்கள்!