ஜெயிலர் 2 உலகளவில் செய்துள்ள வசூல்.. எவ்வளவு தெரியுமா?

நெல்சன் - ரஜினிகாந்த் கூட்டணியில் கடந்த 2023-ஆம் ஆண்டு வெளியாகி பிளாக்பஸ்டர் ஆன திரைப்படம் ஜெயிலர். மாஸ் ஆக்ஷன் கதைக்களத்தில் உருவாகி வெளியான இப்படத்திற்கு அமோக வரவேற்பு கிடைக்க, உலகளவில் ரூ. 635 கோடி வசூல் செய்து சாதனை படைத்தது.

முதல் பாகத்தின் மாபெரும் வெற்றியை தொடர்ந்து இரண்டாம் பாகம் எப்போது என்கிற கேள்வி ரசிகர்களால் தொடர்ந்து கேட்கப்பட்டு வந்தது. அவர்கள் கேட்டுக்கொண்டதற்கிணங்க கடந்த ஆண்டு ஜெயிலர் 2 அறிவிப்பு வீடியோ மாஸாக வெளியானது.

அன்றிலிருந்து இப்படத்தின் மீது தமிழ் சினிமா மட்டுமின்றி இந்திய சினிமா ரசிகர்கள் பலரும் எதிர்பார்ப்புடன் காத்திருந்தனர் அத்தகைய எதிர்பார்ப்புடன் கடந்த அக்டோபர் 15-ஆம் தேதி திரைக்கு வந்த ஜெயிலர் 2, ரஜினி ரசிகர்களால் மட்டுமின்றி உலகெங்கும் குடும்பம் குடும்பமாக கொண்டாடப்பட்டு வருகிறது.

இந்த நிலையில், 19 நாட்களில் ஜெயிலர் 2 எவ்வளவு வசூல் செய்துள்ளது என்பது குறித்த தகவல் வெளியாகியுள்ளது. அதன்படி, இதுவரை இப்படம் தமிழ்நாட்டில் ரூ. 810 கோடிக்கும் மேல் வசூல் செய்துள்ளது.