கலவையான விமர்சனங்களுக்கு மத்தியில் மதராஸி படம் செய்துள்ள வசூல்.. எவ்வளவு தெரியுமா

கடந்த செப்டம்பர் 5ஆம் தேதி மதராஸி படம் திரையரங்கில் வெளிவந்தது. அமரன் படத்தின் மாபெரும் வெற்றியை தொடர்ந்து சிவகார்த்திகேயன் நடிப்பில் உருவாகி வெளிவந்தது மதராஸி.

இப்படத்தை இயக்குநர் ஏ.ஆர். முருகதாஸ் இயக்க அனிருத் இசையமைத்திருந்தார். பிரம்மாண்ட பட்ஜெட்டில் எடுக்கப்பட்ட இப்படத்தில் கதாநாயகியாக ருக்மிணி வசந்த், வில்லனாக வித்யுத் ஜாம்வால் என முன்னணி நட்சத்திரங்கள் பலரும் முக்கிய கதாபாத்திரங்களில் நடித்திருந்தனர்.

பெரிதும் எதிர்பார்க்கப்பட்டு வெளியான மதராஸி சற்று ரசிகர்கள் மத்தியில் கலவையான விமர்சனங்களை பெற்றது. இதனால், வசூலில் சற்று சரிவை இப்படம் சந்தித்தது.

இப்படம் வெளிவந்து 13 நாட்கள் நிறைவடைந்துள்ள நிலையில், இதுவரை உலகளவில் செய்துள்ள வசூல் குறித்து தகவல் வெளியாகியுள்ளது. அதன்படி, மதராஸி படம் 13 நாட்களில் உலகளவில் ரூ. 93 கோடி வசூல் செய்துள்ளது. இனி வரும் நாட்களில் இப்படத்தின் வசூல் எப்படி இருக்கப்போகிறது என்பதை பொறுத்திருந்து பார்ப்போம்.