திருமாங்கல்யம் சீரியல் அப்டேட்: மிரட்டியவனை அடித்து துவம்சம் செய்த திரு; அதிர்ச்சியில் மகா!
ZEE தமிழ் தொலைக்காட்சியில் தினமும் இரவு 7:30 மணிக்கு ஒளிபரப்பாகி வரும் ‘திருமாங்கல்யம்’ சீரியலில் அடுத்தடுத்து சுவாரஸ்யமான திருப்பங்கள் அரங்கேறி வருகின்றன.
அம்மாவின் வளையலை மீட்ட திரு!
மகாவின் கையில் அவளுடைய அம்மாவின் வளையல் இல்லாததைப் பார்க்கும் திரு, அது எங்கே என்று கேட்கிறான். அப்போது, தன்னை மிரட்டி பணம் பறிக்கும் நபரைச் சந்திக்க மகா கிளம்புகிறாள். அவளுடன் திருவும் செல்கிறான். அங்கே மகாவிடம் பணம் பறிக்க முயன்றவனைப் பிடிக்கும் திரு, அவனை சரமாரியாக அடித்து துவம்சம் செய்கிறான். பின்னர், அவனிடமிருந்து மகாவின் அம்மாவின் வளையலையும் மீட்டு மகாவிடம் கொடுக்கிறான். அம்மாவின் வளையல் மீண்டும் கிடைத்ததால் மகா நிம்மதி அடைகிறாள்.
மிரட்டியவனை இடித்துத் தள்ளிய வருணின் கார்!
திருவிடம் அடி வாங்கிய அந்த நபர், "உங்க வீட்டில் உண்மையைச் சொல்லி குடும்பத்தையே உடைக்கிறேன்" என்று மிரட்டிவிட்டு அங்கிருந்து தப்பித்து ஓடுகிறான். இதனால் பயந்துபோன மகாவைத் திரு சமாதானப்படுத்துகிறான். இதற்கிடையில், ஓடிப்போன அந்த நபர் மீது திடீரென வருணின் கார் மோதுகிறது. இதில் அவனுடைய காலில் பலத்த காயம் ஏற்படுகிறது. உடனே வருண் அவனுக்குப் பணம் கொடுத்து, மருத்துவமனைக்கு அனுப்பி வைக்கிறான்.
டைரியில் இருந்த வருணின் பெயர்... அதிர்ச்சியில் திரு, மகா!
மறுபுறம், மகா தன்னுடைய அம்மாவின் டைரியைக் காணாமல் தேடிக்கொண்டிருக்கிறாள். ஆனால், தோட்டத்தில் அமர்ந்திருக்கும் திருவின் கையில் அந்த டைரி இருக்கிறது. அதை ஆர்வமாகப் படித்துக்கொண்டிருக்கும் திருவிடம் இருந்து டைரியை வாங்க மகா முயற்சி செய்கிறாள். ஆனால், திரு டைரியைக் கொடுக்காமல் தொடர்ந்து படிக்கிறான்.
அப்போது, அந்த டைரியில் "உனக்காக ஒருவன் வருவான், அவன் பெயர் வருண்" என்று எழுதப்பட்டிருப்பதைப் பார்த்து திருவும் மகாவும் அதிர்ச்சியில் உறைகிறார்கள்.
மகாவின் அம்மா டைரியில் வருணின் பெயரைக் குறிப்பிட்டது ஏன்? வருணுக்கும் மகாவுக்கும் ஏற்கெனவே ஏதாவது தொடர்பு இருக்கிறதா? இதனால் திரு, மகாவின் வாழ்க்கையில் என்னென்ன மாற்றங்கள் வரப்போகின்றன? இந்தக் கேள்விகளுக்கான பதில்களைத் தெரிந்துகொள்ள, தினமும் இரவு 7:30 மணிக்கு உங்கள் ZEE தமிழ் தொலைக்காட்சியில் ‘திருமாங்கல்யம்’ சீரியலைப் பாருங்கள்!
