திருவுக்கு அதிர்ச்சி கொடுத்த உண்மை.. மகாவின் உயிரைப் பணயம் வைத்த செயல்

திருமாங்கல்யம் இன்றைய எபிசோட் அப்டேட்!

தமிழ் சின்னத்திரையில் Zee தமிழ் தொலைக்காட்சியில் *திங்கள் முதல் வெள்ளி வரை தினமும் இரவு 7.30 மணிக்கு* ஒளிபரப்பாகி வரும் பிரபலமான மெகா சீரியல் *திருமாங்கல்யம்*.

நேற்றைய எபிசோடில் மோதிரத்தை மீட்கும் முயற்சியில் மகா ஏரிக்குள் குதித்து அனைவரையும் பதறவைத்த நிலையில், இன்று அதிர்ச்சியும் பரபரப்பும் நிறைந்த சம்பவங்கள் அரங்கேற உள்ளன. மகா ஏரிக்குள் குதித்ததை பார்த்த திரு, ஒரு நொடியும் யோசிக்காமல் அவளை காப்பாற்றுவதற்காக பின்னாலேயே நீரில் குதிக்கிறான். தண்ணீருக்குள் இருந்து மகாவை வெளியே கொண்டு வந்து முதலுதவி அளித்து உயிர் பிழைக்கச் செய்கிறான்.

பின்னர், "எதற்காக இப்படிச் செய்தாய்?" என்று கேட்க, மகா தனது கையைத் திறந்து அதற்குள் பாதுகாப்பாக வைத்திருந்த மோதிரத்தைக் காட்டி அனைவரையும் அதிர்ச்சியில் ஆழ்த்துகிறாள். இதனைத் தொடர்ந்து திருவுக்கு ஒரு முக்கியமான தொலைபேசி அழைப்பு வருகிறது. அதில், காரின் பிரேக் வயர் தானாக அறுந்தது அல்ல, யாரோ திட்டமிட்டு வெட்டியிருப்பதாக தெரிவிக்கப்படுகிறது. இதைக் கேட்ட திருவும் மகாவும் அதிர்ச்சி அடைகின்றனர்.

தங்களை குறிவைத்து இந்த சதியை செய்தது யார் என்ற கேள்வி அவர்களை குழப்பத்தில் ஆழ்த்துகிறது. பின்னர் இருவரும் நனைந்த உடையிலேயே ஹோட்டலுக்கு திரும்புகின்றனர். அவர்களை பார்த்த திவ்யா, "எங்கே போனீர்கள்? ஏன் இப்படி நனைந்து வருகிறீர்கள்?" என்று தொடர்ந்து கேள்வி கேட்க, இருவரும் எப்படியோ சமாளித்து சூழ்நிலையை சமப்படுத்துகின்றனர்.

அடுத்த நாள் புகைப்படப் படப்பிடிப்பிற்காக திவ்யா, திருவின் கண்களை கட்டிக்கொண்டு மலை உச்சிக்கு அழைத்துச் செல்கிறாள். அங்கே சென்றதும் கண்கட்டையை அவிழ்த்தவுடன் வானில் பலூன்கள் பறக்கின்றன. அதோடு ஒரு டெடி பியரும் பிரம்மாண்டமாக என்ட்ரி கொடுக்கிறது. ஆனால் அந்த டெடி பியருக்குள் இருப்பது யார் என்ற சஸ்பென்ஸ் உடனே உடைகிறது. டெடி பியர் வேடத்தில் நடிக்க வேண்டிய நபர் வராததால், மகாவே அந்த வேடத்தை ஏற்று திவ்யாவுக்கு உதவ முடிவு செய்திருப்பது தெரிய வருகிறது.

திவ்யாவின் காதல் திட்டம் வெற்றியடைய, மகா தன்னுடைய உணர்வுகளை மறைத்து டெடி பியராக மாறி திருவிடம் ப்ரபோஸ் செய்யும் நிகழ்ச்சியை நடத்த உதவுகிறாள். காட்சிகள் உணர்ச்சிகரமாக நகரும் நிலையில், திரு "சூப்பராக நடித்திருக்கிறாய்" என்று பாராட்டிவிட்டு டெடி பியரை கட்டியணைத்து முத்தமிடுகிறான்.

அந்த தருணம் மகாவுக்கு மகிழ்ச்சியா, வேதனையா என்ற கலவையான உணர்வுகளை ஏற்படுத்துகிறது. *மகாவுக்கு திருவைப் பற்றிய உண்மை தெரிய வருமா? பிரேக் வயரை அறுத்தது யார்? திவ்யாவுக்காக மகா தொடர்ந்து தியாகம் செய்வாளா?* என்ற பல திருப்பங்களுடன் இன்றைய எபிசோட் ரசிகர்களின் எதிர்பார்ப்பை எகிற வைத்துள்ளது. *இந்த பரபரப்பான காட்சிகளை காண தவறாதீர்கள். திருமாங்கல்யம், தினமும் இரவு 7.30 மணிக்கு உங்கள் Zee தமிழ் தொலைக்காட்சியில்!*