கிருபாவின் கொடூரம்... சுகுணாவின் கண்ணீர்! பாடும் ஆசையை முடக்க நினைக்கும் கிருபா!

சுகுணா ஆசையாகப் பாடி வாங்கிய பரிசுகளை உடைத்து, இனிமேல் பாடவே கூடாது என்று அவரை மிரட்டுகிறார் கிருபா. சுகுணாவின் பாடும் ஆசையை அடியோடு முடக்க நினைக்கும் கிருபாவின் செயலால் குடும்பமே அதிர்ச்சியில் உறைந்துபோகிறது.

பரிசுகளை உடைத்து, நாக்கில் சூடு வைக்க முயன்ற கிருபா!

சுகுணா பாடி வாங்கிய ஷீல்டுகள் அனைத்தையும் ஆத்திரத்தில் அடித்து உடைக்கிறார் கிருபா. அதோடு, “இனிமேல் நீ பாடவே கூடாது” என்று சொல்லி சுகுணாவைக் கடுமையாகத் தாக்குகிறார். அப்படியும் ஆத்திரம் அடங்காத கிருபா, சுகுணாவின் நாக்கில் சூடு வைத்தால்தான் அவர் திருந்துவார் என்று சொல்லி, கரண்டியைத் தீயில் பழுக்கக் காய்ச்சி நாக்கில் சூடு வைக்க முயற்சி செய்கிறார். இதைப் பார்த்து அதிர்ச்சியடைந்த ஜெயந்தி, சித்ரா உள்ளிட்ட குடும்பத்தினர் கிருபாவைத் தடுக்க எவ்வளவோ முயற்சி செய்கிறார்கள். ஆனால், கிருபா யார் சொல்வதையும் கேட்காமல் தனது முடிவில் பிடிவாதமாக இருக்கிறார்.

சரியான நேரத்தில் வந்த கர்ணா... தப்பிய சுகுணா!

சுகுணாவுக்கு ஏதாவது ஆகிவிடுமோ என்று பயந்துபோன இந்து, உடனே கர்ணாவுக்குப் போன் செய்து நடந்த விஷயத்தைச் சொல்கிறார். இதையடுத்து கர்ணாவும் வேகமாக அங்கு வருகிறார். நிலைமை கைமீறிப் போவதை உணர்ந்த கர்ணா, கிருபாவின் கவனத்தைத் திசைதிருப்ப ஒரு திட்டம் போடுகிறார். தீனா ஐயாவின் இரண்டாவது மகனைப் பற்றிய முக்கியமான தகவல் கிடைத்திருப்பதாகச் சொல்லி, கிருபாவை அங்கிருந்து அழைத்துச் செல்கிறார். கர்ணா சரியான நேரத்தில் வந்ததால், சுகுணாவுக்கு நடக்கவிருந்த பெரிய விபரீதம் தவிர்க்கப்படுகிறது.

சுகுணாவுக்காகக் கொதிக்கும் இந்து... அமைதியாக இருக்கும் கர்ணா!

கிருபா அங்கிருந்து சென்றதும், அடிபட்டு வலியில் தவிக்கும் சுகுணாவுக்கு இந்து, ஜெயந்தி, சித்ரா ஆகியோர் ஆறுதல் சொல்கிறார்கள். இதற்கிடையில், இரவில் கர்ணாவிடம் பேசும் இந்து, சுகுணாவிடம் கிருபா இப்படி நடந்துகொண்டதை நினைத்து ஆத்திரப்படுகிறார். ஆனால், கர்ணாவோ சுகுணாவுக்கு ஆதரவாகப் பேசவும் முடியாமல், கிருபாவை நேரடியாக எதிர்க்கவும் முடியாமல் தவிக்கிறார். என்ன செய்வது என்று தெரியாமல் அமைதியாக இருந்துவிடுகிறார். இதனால் இந்துவுக்கும் கர்ணாவுக்கும் இடையே இருக்கும் மனக்குழப்பம் மேலும் அதிகரிக்கிறது.

சிதைந்த கனவுகள்... கண்ணீரில் தவிக்கும் சுகுணா!

மறுநாள் காலையில், சுகுணாவின் காயங்களுக்கு சித்ரா மருந்து போட்டுவிடுகிறார். அப்போது, மேடையில் பாட வேண்டும், நிறைய பரிசுகள் வாங்க வேண்டும் என்று தான் ஆசையாகக் கண்ட கனவுகளைப் பற்றி சுகுணா மனம் திறந்து பேசுகிறார். ஆனால், குடும்பச் சூழ்நிலையால் தன்னால் எதுவுமே செய்ய முடியவில்லை என்று சொல்லி இந்து மற்றும் ஜெயந்தியிடம் கண்ணீர் விட்டுக் கதறி அழுகிறார்.

சுகுணாவின் வேதனையைப் பார்த்து அவர்களும் கலங்கிப் போகிறார்கள். சுகுணாவின் பாடும் ஆசையை கிருபா தொடர்ந்து தடுக்கப் போகிறாரா? சுகுணாவுக்கு ஆதரவாகக் கர்ணா எப்போது துணிந்து நிற்பார்? சுகுணாவின் கனவு மீண்டும் நனவாகுமா? இப்படிப் பல உணர்ச்சிகரமான திருப்பங்களுடன் ரசிகர்களின் கவனத்தை ஈர்த்து வருகிறது இந்த‘சின்னஞ்சிறு கிளியே’ தொடர். திங்கள் முதல் வெள்ளி வரை தினமும் மாலை 7 மணிக்கு, ZEE Tamizh தொலைக்காட்சியில் இந்தத் தொடரைக் காணத் தவறாதீர்கள்!